خبر شائع کرنے سے قبل برطانوی صحافی ڈیوڈ روز کی وزیراعظم عمران خان سے ملاقات کی تصویر جاری، برطانیہ نے شریف خاندان سے متعلق ڈیلی میل کی خبر کی تردید کر دی

لاہور (نیوز پاکستان) حکومت برطانیہ نے شریف خاندان کی جانب سے زلزلہ زدگان کی رقم چوری کرنے سے متعلق ڈیلی میل کی خبر کی تردید کر دی۔ برطانوی اخبار ڈیلی میل نے اپنی رپورٹ میں دعویٰ کیا تھا کہ شہباز شریف کے دور حکومت میں برطانوی امدادی ادارے کی جانب سے حکومت پنجاب کو 50 کروڑ پاؤنڈ دیئے تھے جس میں سے رقم چوری کی گئی۔اب حکومت برطانیہ کی جانب سے بھی اس حوالے سے وضاحتی بیان جاری کیا گیا ہے جس میں ڈیلی میل کی خبر کی تردید کی گئی ہے۔برطانوی حکومت کی جانب سے ڈپارٹمنٹ آف انٹرنیشنل ڈویلمپنٹ (ڈی ایف آئی ڈی) کے ترجمان کا بیان جاری کیا گیا ہے۔ڈی ایف آئی ڈی کے مطابق ڈیلی میل نے اپنی اسٹوری کو سچ ثابت کرنے کے لیے کم ثبوت پیش کیے۔برطانیہ کی جانب سے جاری بیان میں کہا گیا ہے کہ 2005 کے زلزلے کے بعد برطانیہ کی جانب سے حکومت پنجاب کے ارتھ کوئک ریلیف اینڈ ری کنسٹرکشن اتھارٹی (اررا) کو اسکولوں کی تعمیر کے لیے امداد دی گئی جو تعمیر ہوئے اور جن کا آڈٹ بھی کیا گیا۔ڈی ایف آئی ڈی کے ترجمان نے اپنے بیان میں یہ بھی کہا ہے کہ برطانوی ٹیکس دہندگان کا پیسہ بالکل ٹھیک جگہ پر خرچ ہوا اور اس امدادی رقم کے ذریعے زلزلہ متاثرین کی مدد کی گئی، ہم پراعتماد ہیں کہ برطانوی ٹیکس دہندگان کے پیسے کو فراڈ سے محفوظ رکھا گیا۔واضح رہے ڈیوڈ روز برطانوی صحافی جس نے شہباز شریف پر منی لانڈرنگ کا الزام لگایا ہے، اس نے چند روز پہلے عمران خان نیازی سے ملاقات کی تھی اس ملاقات میں شہزاد اکبر اور نعیم الحق بھی موجود تھے،

اپنا تبصرہ بھیجیں